MHIP-in lawmpuina hlan

Mizo Hmeichhe Insuihkhawm Pawl Gen. Hqrs chuan nimin khan an pisaah February 11, 2026-a Achievers’ World, Indian Achievers’ Forum leh All India Business & Community Foundation aṭanga ‘Women Icon Award 2026’ dawngtu minister Lalrinpuii hnenah lawmpuina an hlan.

Lawmpuina inkhawm hi MHIP president Lalliani'n a kaihruai a; Lalrinpuii chu minister chak tak a nih thu sawiin, hmeichhe minister viak ṭha leh chak tak an nei chu lawmawm an tih thu a sawi.

Lalrinpuii pawhin thu sawiin, MHIP changtlun zel nan theihtawp a chhuah tur thu a sawi a, "MHIP hi rualute’n hmeichhe ṭanpui ngaite leh khawtlanga harsatna tâwkte ṭanpui a, hmeichhiate tana hamṭhatna awm apiang ngaihtuahpui a, hmeichhiate hmasawn theihna tura an lo din a nih angin hei hi vawn nun zel a pawimawh," a ti.