Road Safety Competition-ah tel turin Mizoram mipui ngen

Transport department chuan hriattirna tichhuakin, Ministry of Road Transport & Highways duh dan angin MyGov portal-a Road Safety Competition kal mekah tel turin Mizoram mipui a ngen a; Mizoramah lirthei document thi 1,48,593 a awm mek thu a tarlang.

Transport department chuan, Mizoramah lirthei registration nung 3,59,575 leh lirthei document thi 1,48,593 chu a awm thu tarlangin, "Lirthei document thi neitute chu a rang lama an lirthei document-te tinung vat tura ngen leh hriattir an ni. Passenger phur chi lirthei phei chu mipui tan him zawka an service theih nan a rang lama an document-te tinung tura hriattir an ni," a ti. Kohhran leh pawl hrang hrangte chu inkhawmpui kal nan lirthei document nung lai chauh hmang turin a ngen bawk.