KṬP General Conference ṭan

KṬP General Confe­rence vawi 61-na chu nizan khan Saitualah ṭan a ni a, March 1, Pathianni zanah a ṭiak ang. Inkhawmpui thupui chu ‘Pathian tana mi hlang’ tih a ni a, speaker chu Rev. PC Lalropuia a ni.

Mizorama mipui punkhawmna lian ber ni ṭhin KṬP General Conference hi Saitual Public Playground-a pandal-ah neih a ni a; kal turin mi 25,000 chuang an inhriattir a, nimin khan palai nawlpui an kal.

Nizan khan palai lawm inkhawm neih a ni a, Synod moderator Rev. John Raldosanga'n thuchah a sawi. Vawiin chawhmaah rawngbawlna report inkhawm a awm ang a, chawhnuah variety programme hman a ni dawn. Naktuk Inrinni-ah nilengin Saitual Kohhran biak-inah rorel a ni ang.