Sampoornata Abhiyan 2.0 kalpui dan thlirho

NITI Aayog deputy director general Swapnalee Bhattacharya leh young professional Ngayaipam A Shimray te chuan nimin khan Mamit an tlawh a, DC conference hall-ah district official-te nen Sampoornata Abhiyan 2.0 kalpui dan an thlirho.

Sampoornata Abhiyan 2.0 hi India rama aspirational district leh aspirational block-ahte kalpui mek a ni a; Mizoramah chuan Mamit district leh Reiek block-ah kalpui niin, tehfung paruk - health & nutrition hnuaiah pathum, education hnuaiah pahnih leh agriculture hnuaiah pakhat a awm a ni.

Swapnalee Bhatta-charya chuan, Mamit district hmalakna chu fakawm a tih thu sawiin, tun aia nasaa ṭan la turin a chah a; department dangte nena thawkho ṭha turin a ngen bawk.

NITIi Aayog hotute hian Mamit khawpuia Primary School-V, District Veterinary Hospital, Anganwadi Centre te an tlawh nghal a ni.