Awm khawm khapna leh curfew

Aizawl District Magistrate chuan January 12, 2021 khan CrPC Section 144 hmanga thupek chhuahin, Aizawl khawpui chhungah phalna nei loa mi panga aia tam awm khawm khap a nih thu a puang. Thupek hi Covid-19 léng laka mipui an him zel theihna tura DMR department-in January 8, 2021-a thuchhuah a siam anga tih a ni.

January 12 vek khan Aizawl District Magistrate chuan Aizawl khawpuia zan lama curfew chungchangah thupek a chhuah a, "Aizawl city area huam chhungah January 11, 2021 aṭanga thu leh awm hma chu zan tin dar 8 aṭanga a tûk zing dar 4:30 thleng páwn chhuah a khap tlat a ni," a ti. Thupek (curfew)-in a huam lohte a tarlang nghal bawk.