Inneih leh rokhawmna dan siamṭhat MHIP-in an pawm lo

MHIP Gen. Hqrs chuan thuchhuah siamin, Assembly session-in February 23, 2026-a a pawm tâk 'The Mizo Marriage and Inheritance of Property (Amendment) Bill, 2026' chu an pawm loh thu leh ennawn ni se an duh thu an tarlang.

MHIP chuan, The Mizo Marriage and Inheritance of Property (Amendment) Bill, 2026 chu Mizo hmeichhiate tan a him lo nia sawiin, "MHIP chuan Mizo hmeichhiate tana dan ṭha ber tur leh siamṭhat ngaite kan zir chiang mek a, chuvangin, he Bill pass tawh hi sût a, ennawn a, siamṭhat leh ngei ni se tiin Legislative Assembly kan ngen tak zet a ni," an ti.

Mizo Customary Law Committee-ah MHIP tel mah se, The Mizo Marriage and Inheritance of Property (Amendment) Bill, 2026 chungchangah ràwn emaw, hrilh emaw an nih loh avangin Bill chu an pawm lo tih MHIP chuan an tarlang a ni.