JJM-ah bill tâng cheng vbc 118 a awm - PHE Minister

PHE minister Prof. Lalnilawma chuan, Jal Jeevan Mission (JJM) hnuaiah bill tâng cheng vbc 118 a awm thu nimin khan Assembly session-ah a sawi.

Zawhna hrang hrang chhangin PHE Minister chuan, JJM scheme hnuaiah India ram state hrang hrangte'n bill tâng eng emaw zat an neih hlawm thu a sawi a, "Mizoram bik chauh kan buai lo. Bill tâng avangin harsatna kan tâwk mek. Mizoram chuan JJM hnuaiah hian bill tâng cheng vbc 118 a nei," a ti.

Prof. Lalnilawma chuan, JJM scheme hnuaiah solar pumping an tih nasat thu sawiin, "Hna thawh zawh a ni a, contractor enkawl hun chhung a la nih chuan a chhiatin contractor mawh a ni. Solar pumping-ah hian complaint kan dawng nasa hle," a ti a, contractor enkawl hun chhung a tawp chuan a enkawltu tur WATSAN din a nih thu a sawi.