Vohbikte hriselna dinhmun endik

Lunglei district-a vohbikte chawikanna tura ruahman, Project LEAP (Lunglei's Empowerment for Access and Equity for all Persons) hnuaiah February 26, Ningani khan Putlungasih khuaah vohbikte hriselna dinhmun endikna, Health Assessment Camp buatsaih a ni.

Health Assessment Camp-ah hian Health & Family Welfare department-a damdawi lam thiamte bakah, NCD medical team te, Social Welfare-a thawkte leh Lungsen BDO staff-te'n Lungsen RD Block chhunga Putlungasih, Bolia, Zawlpui, Tuisenchhuah, Belthei leh Kauchhuah khua aṭanga kal khawm vohbik mi 32-te hriselna dinhmun an enfiah a ni.

Camp-ah hian rualbanlo zinga UDID card nei lote chu portal-ah thun nghal an ni a; ALIMCO aṭanga dawn hmanrua - wheelchair, bengdar, mitdel tiang, zakdawh tiang leh hmanraw dang dilsak turte chhinchhiah a ni. Healthy Lunglei District Campaign hnuaiah natna inkai chhâwn theih loh leh natna dang endik a ni bawk.