SIR kalpui tur chungchang inhrilhfiah

Mizoram chief electoral officer (CEO) Dr Lalrozama chuan nimin khan a pisaah April 2026 aṭanga Mizorama kalpui tur Special Intensive Revision (SIR) 2025 chung-changah political party aiawhte a kâwm.

Dr Lalrozama chuan, SIR chu electoral roll siamṭhat dan pakhat a nih thu a sawi a, "Ram leh hnam tana thawhhona tur pawimawh a ni a, electoral roll thianghlim, ṭha leh dik siam a ngai a, vote thlak tur dik tak chiah an tel tur a ni," a ti.

SIR 2025 thawh khatna hi June - September, 2025 khan Bihar state-ah kalpui niin, October 28, 2025 khan state/union territory 12-ah a thawh hnihna kalpui leh a ni a; state/UT 22-ah a thawh thumna kalpui tum mek niin, Mizoram pawh a tel ve dawn a ni.

Inkawmhonaah hian SIR kalpui dan tur te, official-te mawhphurhna leh political party-te nena thawhho dan turte sawihona a ni.