Ran chawa intodelh turin hma la

AH & Vety minister C Lalsawivunga chuan nimin Assembly session-ah MNF member Lalchhandama Ralte zawhna chhangin, ran chawa intodelh turin hmalak a nih thu Assembly House a hrilh.

C Lalsawivunga chuan, Lengpuiah Animal Feed Plant siam mek a nih thu sawiin, "Hemi siamna tur hi SASCE aṭangin cheng vbc 4.65 leh RIDF-XXVIII aṭangin cheng vbc 7.5, a vaiin cheng vbc 12.15 hmuh a ni," a ti.

AH&Vety Minister sawi danin, Contract Farming Handholding Scheme hnuaiah Champhai, Khawzawl leh Saitual district-ah vaimim leh bekang chin a ni a, cheng vbc 4.08 project kalpui mek a ni.

NLM 25-26 hnuaiah cheng vbc 3.02 hmuh a ni a, Thenzawl, Hnahlan, Sailulak leh Aizawl district-a mimal leh society hrang hrangahte kalpui tur a ni a, Thenzawl leh Hnahlan atan tender chhuah mek a ni.