Labour cess-ah 31.26 hmu tawh

Labour, Employment, Skill Development & Entrepreneurship minister Lalnghinglova Hmar chuan, Mizoram Building & Other Construction Workers Welfare Board (MBOCWWB)-in sorkar kum kal mekah January 31, 2026 thlengin labour cess cheng vbc 31.26 a hmuh tawh thu nimin khan Assembly session-ah a sawi.

BJP member Dr K Beichhua zawhna chhangin LESDE Minister chuan, "MBOCWWB hnuaia hamṭhatna dawng thei tura Welfare Board-a inziak lut chu January 31, 2026 thleng khan mi 31,036 an ni. Sokar kum kal mekah January 31 thleng mi 12,494-in hamṭhatna an dawng tawh a, labour cess dawn aṭang hian cheng vbc 305.66 pek chhuah a ni tawh," a ti.