UG first semester exam ṭan a ni

Mizoram University hnuaia under graduate course hrang hrang - BA, B.Sc., B.Com leh B.Sc (Home Science)-ah nimin khan online hmangin first semester exam an ṭan.

MZU-in online hmanga semester exam hi college 30-a zirlaite'n an hmachhawn a, college pahnih aṭang erawh chuan internet ṭhat loh vangin exam a kal tluang thei lo a, college dangte erawh chuan tluang takin an nei thei a ni. First semester-ah hian zirlai 7,519 an awm a, February 8, 2021 thleng a awh ang.

Controller of Examinations Prof. Lalnuntluanga chuan, tluang taka exam ṭan theih a ni chu lawmawm a tih thu sawiin, tluang taka chhunzawm zel a nih theih nan zirlai leh zirtirtute chu MZU hmalakna ṭawiawm zel turin a ngen. Exam chungchanga zirlai, harsatna neite chu an college helpline-ah inhriattir turin MZU thuneitute chuan an chah a ni.