Minister-in Lungleia officer-te a kâwm

Minister C Lalrinsanga chuan nimin khan Lunglei Convention Centre-ah Lungleia sorkar department tina hotute (head of office) a kâwm a; Lunglei HPC vice chairman Lawmawma Tochhawng, MLA leh Lunglei South bialtu Dr K Pachhunga te pawh an tel.

C Lalrinsanga chuan, mahni department ṭheuh fimkhur leh taima taka enkawltu chu head of office-te an nih thu a sawi a, "Department hrang hrangte'n thawhhona ṭha tak nen hma in la tlang ṭhin hi a lawmawm hle a ni," a ti.

Minister chuan, "District tihmasawn tura mawhphurhna fawng vuantute in nih angin, in hma zâwn ṭheuha tih turte uluk leh taima taka thawh zel tur a ni a, mipui hamṭhatna dah hmasak zel tur a ni," a ti a; harsatna an neihte chu hotute hnena thlen vat ṭhin turin a chah a ni.