Meningococcal Meningitis hlauhawm rih lo

Integrated Diseases Surveillance Programme (IDSP) chuan tun hnaia Shillong-a thluaka khawsik lut (Meningococcal Meningitis) natna nia rinhlelh lêng chu thunun a nih avangin Mizoram mipui tan chî-âina tur a awm loh thu a tarlang.

IDSP chuan thuchhuah siamin, tun hnaia Assam Regimental Centre, Shillong-a thluaka khawsik lut natna nia rinhlelh chu an thlithlai reng thu a tarlang a, "He natna hri leng hi ARC bak hmun dangah hmuh a la ni lo a, Meghalaya sorkar pawhin theihtawp chhuahin hri darh loh nan hma a la a, hri lêng hi ṭai darh loa control a nih avangin Mizoram mipui tan lo chî-âina tur a awm lo," a ti.

IDSP THUCHHUAK

Thuaka khawsik lut (Meningococcal): Neisseria menigitidis-in a thlen a ni a, hei hian Meningitis leh Meningococcemia condition-te a thlen thei.

Natna hi natna chhuak thar a ni lo a, doctor-in a chawh antibiotic hmanga enkawl dam theih a ni.

Natna lan chhuah dân: Khawsik sâng thut, lu na nasa, nghâwng khawng, luakchhuak, taksa duk, dâng leh eng, nikhawhreloa awm, taksa khâwl hnathawk thei lo.

Inkai chhâwn dan: Inhnaih taka awm, khawsakho, khuh, hahchhiau leh taksa aṭanga tuiril chhuak.

Invên dân: Inrinhlelhna neih chuan damdawi-in pan vat tur, puipunnaa kal loh, hmui/hmai tuamna vuah, khuh leh hahchhiau laia ka hup, kut sil ngun leh sanitizer hman.