IPR leh MJA inhlan thar

Champhaia Information & Public Relations officer Dr Lallawmkima hoin a pisaah nimin khan IPR-a thawkte leh Champhai district MJA member-te'n kum thar puala inhlan tharna hun an hmang.

Dr Lallawmkima chuan, media-te'n sorkar an ṭawiawm ṭhin chu fakawm a tih thu sawiin, "Hun kal zelah pawh inpawh leh ṭhahnemngai taka kan thawhho zel ka beisei," a ti a; mahni mawhphurhna ṭheuhte dik leh felfai taka hlen tum turin IPR pisaa thawkte leh thuthar thehdarhtute a chah.

Champhai district MJA president Lalhmingmawia Pachuau pawhin thu sawiin, "Hun thar kan chuan kai rualin hmasawn tumin eng ngaihtuahna thar nge kan neih tih inbihchian a ṭul," a ti.

Champhai MJA-ah hian member 15 an awm mek a, an zinga mi 12 chu accredited journalist an ni. Champhai district (Khawzawl district telin) chhungah ni tin chanchinbu panga leh cable TV pahnih a awm mek a ni.