Thubuai vangin ram inpek theih loh

Commerce & Industries minister F Rodingliana chuan, Luangmuala Industrial Growth Centre (IGC) chungchangah thubuai a awm avangin ram inpek (allot) theih a nih rih loh thu nimin khan Assembly House a hrilh.

ZPM member TBC Lalvenchhunga zawhna chhangin F Rodingliana chuan, Luangmual IGC-ah ram zau tak awm mah se, court-ah thubuai a awm mek avangin ram inpek theih a nih rih loh thu a sawi a, "Min khing an awm a, court-ah ṭhahnemngai taka hma la tawhte chu hmalak chhunzawm kan dilpui a, an phalsak. Department lam erawh chu ram khawih an phal lo," a ti.

Commerce & Indus­tries Minister chuan, department lam chu a theih ang angin ram pek theih huna pek a nih theihna atan an inhmakhua thu sawiin, "Internal road-te laiin, a map kan siam thar," a ti a; department lam chu an inrin vek tawh thu sawi.