Khualzin hruaina tur thlan thiam a ṭul - Tourism Department

Tourism department chuan thuchhuah siamin, Mizoramah páwn aṭangin khualzin (tourist) buaipuitute'n Mizoram hmun mawi leh tlawh tlâkte an thlan thiam a ṭul thu an tarlang.

Tourism department chuan, Mizoram chu thlawhtheihna, rél leh lirthei chi hmanga kalpawh theih a nih avangin khualzin an pun nasat thu an tarlang a, Tourist-te hian tour guide leh tour operator te kher ni lo, an remchan dan angin taxi leh rental car te vah kual nan an hmang ṭhin tih hriat a ni. Mizorama hmun mawi leh tlawh tlâkte hi tlawh hun bik neite a nih hlawm avangin mipui mimir leh mikhual hruai kualtute'n fimkhur taka tlawh tur kan thlansak thiam a pawimawh," an ti.

Khualzinte bangbo taka hruai kual mai lo tura mi tin ngenin Tourism department chuan, tour operator leh tour guide hmang thei lo an nih pawhin, hruai kualtute'n tour guide leh operator te ráwn ṭhin se a ṭhat thu a tarlang a; tour operator leh tour guide te chu www.tourism.mizoram.qov.in ah en theih a nih thu an tarlang bawk.