Jail leh home-a HIV veite enkawlna turin thuthlung ziak

Social Welfare department, Prision leh Mizoram State AIDS Control Society (MSACS)-te jail leh mi enkawlna home chungchangah January 12, Thawhlehni khan Aijal Club-ah thawhhona thuthlung, Memorandum of Understanding an ziak.

Thawhhona thuthlungah hian MSACS project director Dr Lalthlengliani, Prison IG Lalnunhlua leh Social Welfare director Lallianpuii ten hming an ziak a ni.

Thuthlung ziahnaah hian MSACS-a state epidiamologist Dr Richard CLR Hluna chuan, Mizoram jail hrang hranga táng mek zingah HIV vei an tam thu a sawi a; India ram puma jail-a táng zinga 2.1%-te'n HIV an vei anga chhût a nih laiin, Mizoramah chuan HIV+E vei 20.8% an awm thu a sawi bawk.

Memorandum of Understanding hnuaiah hian Prison hnuaia jail leh Social Welfare department hnuaia home-ahte MSACS hnuaia hmalakna hrang hrang - thisen endik leh anti retroviral therapy (ART) damdawi pekte kalpui a ni ang.