Hmeichhe himna tur application siam

Police public relations officer (PRO) Rex Zar-zoliana Vanchhawng chuan thuchhuah siamin, tlawmngai pawl pakhat, Anti-Corruption & Crime Control Committee, Bihar chuan hmeichhiate him zawk nan, android mobile applicaton 'Help Women' tih an siam a, Mizorama hmeichhiate pawhin hman ṭangkai theih a nih thu a tarlang.

Police PRO chuan, "Hmeichhiate'n ṭanpui ngai an nih hunah he Help Women button an hmeh hian, an awmna lai chu NGO helpline number-ah inthawnin, anni hian police station hnai berah hmeichhia ṭanpui ngaite ṭanpui turin an lo hriattir ve leh dawn a ni," a ti.

Rex Zarzoliana tar-lan danin, application hi hmeichhia ṭanpui ngaite ṭanpui nana hman a nih theih nan DGP Thianghlima Pachuau chuan Mizorama police-te chu hma la turin a hriattir tawh a; a mamawh apiang tan https://play.google.com a lûtin, search field/box-ah anticorruptioncrimecontrolcommittee tih chhu lutin emaw, help women tih type a zawn hmuh leh download/lak chhawn theih a ni.