KHAWTHLIR

Thisen pe

Zarkawt Branch KṬP chuan nimin khan an kohhran hall-ah blood donation camp an huaihawt a, Synod Hospital tan mipa 34 leh hmei­chhia pathumte'n thisen unit 37 an pe.

Pisa khâr

Mizoram Presbyterian Kohhran Synod Office chu kumin chhung atan nimin khan khâr a ni a, January 5, 2017-ah hawn ṭan leh a ni ang. Nimin khan office kharna leh kum 2017-asion-a chhuak turte thlahna inkhawm neih a ni. Baptist Church of Mizoram office-te pawh nimin khan kumin chhung atan khâr a ni bawk.

Postal ballot zir

Election department chuan nimin khan Administrative Training Institute-ah postal ballot chungchang zirna an buatsaih a, joint chief electoral officer FJ Liantluanga'n a hawng. Training-ah hian district tin aṭangin officer pakhat, data entry operator te, Mizorama armed force-te leh central para military force aiawhte an tel a ni.

Halpuah khap

Kulikawn local council, VDP leh NGO chuan thuchhuah inṭawm siamin, Krismas leh kumthar vuakvetah an veng chhungah halpuah leh puakthei thil dang hal leh lakluh khap a nih thu an tarlang.

Tanpuina hlan

1st Bn. MAP staff-te chuan an sum thawhkhawm Rs. 81,500 chu Krismas thilpek atan Aizawl Civil Hospital-a damlo pakua, Cancer Hospital poor fund, Armed Veng South leh Armed Venga mi harsate leh border out post panga hnenah an hlan.

Air Quality Index

December 13 & 15

HMUN AQI

Sikulpuikawn 51

Laipuitlang 39

Bawngkawn 65

Dawrpui 78

Lengpui 33

Champhai Kahrawt 16

Champhai Vengthlang 30

Kolasib Project Veng 27

Kolasib Diakkawn 33

Lunglei Farm Veng 24

Lunglei Venglai 41

AQI 0 - 50: Harsatna thlen meuh lo

AQI 51-100: Thawk harsatna a

thlen thei

Source: MPCB