CM-in puantah khawl a sem

Chief minister Lal Thanhawla chuan nimin khan Thenzawl Bazar Venga Joint YMA Hall-ah Commerce & Industries department hnuaia puantah thlangtu chungkaw 141 hnenah puantah khawl, Fly Shuttle Loom a sem.

CM Lal Thanhawla chuan, Mizote khawvel hmuha an inpho chhuah theih nan hnathawh kawng engkimah rinawm taka tih a ṭul thu sawiin, puantahtute chu ram páwna hralh chhuah tlaka ṭan la turin a chah a, "Sorkar hmalakna kal reng reng a hlawhtlinna innghahna chu a dawngtu, tualchhung mi an ni ṭhin a, mipuite'n hmasawnna an dawnsawn thiam a ṭul," a ti.

Chief Minister chuan, "Kum lo kal turah Mizorama link road laih theih zawng zawng in dil in dil ngai loin laih chhuah vek kan tum a, mittlung taka hna thawh tur a ni ang," a ti a; mahni hna
ṭheuhah rinawmna, taihmakna, Pathian ṭihna nena thawh a ṭul thu sawiin, kalkhawmte chu hlim taka Krismas hmang turin duhsakna a hlan.

Nimina puantah khawl semte hi tual-chhunga siam a ni a, pakhat Rs. 8,500 man a ni.