Rimawi kûtpui hman ṭan a ni

Art & Culture department leh Sangeet Natak Akademi, New Delhi ṭangkawp chuan nimin khan Vanapa Hall-ah ni thum awh tur rimawi kûtpui 'Jugalbandi Sangeetotsav, Hindustani' an buatsaih ṭan a, Art & Culture minister R Romawia'n a hawng.

R Romawia chuan, India ram chu hnam hrang hrang awm khawmna, culture leh folk music-a hausa tak a ni tih sawiin, "Khawthlang tih dan leh nunphung lâr chak em em chuan India ram a nghawng a, ṭhalai tam tak chuan khawthlang zai leh lâm an tuipui tawh. India ram hmun hrang hranga Jugalbandi Sangeetotsav kalpui hian Hindustani rimawi ngaihhlutna a chawh thawh ka beisei," a ti.

Jugalbandi Sangeetotsav hi India rama civil mite chawimawina sang ber Bharat Ratna lo dawng tawh leh Sangeet Akademi fellow ni bawk Ustad Bismillah
Khan hriatreng nana buatsaih a ni.