Sorkar laipuiin RIPANS tan cheng vbc. 445.80 a pawm

21st December, 2016

Sorkar laipuia hotu hrang hrangte December 19, 2016-a ṭhukhawm chuan RIPANS tihchangtlunna leh tihhmasawnna atan cheng vbc. 445.80 an pawm.

December 19-a Nirman Bhavan, New Delhi-a meeting-ah hian Ministry of Health & family Welfare, Finance Ministry, NITI Aayog leh Ministry of DoNER-a hotute an tel a; Mizoram aṭangin RIPANS director Dr Chawngthanliana leh Pharmacy department-a HoD Dr H Lalhlenmawia te an tel.

Dr Chawngthan-liana chuan, RIPANS tihchangtlunna tura cheng vbc. 445.80 pawm tak chu khum 100 awm theihna damdawi-in dinna tur te, course thar pasarih hawn belhna tur te, indoor sports complex cum auditorium, academic building thar, guest house leh hostel thar sakna turte leh, thawktu eng emaw zat lak belhna turte a nih thu a sawi.