Aizawlah No Plastic Rally buatsaih

Aizawl Municipal Corporation (AMC) leh Dawrpui Fan Club huaihawtin Inrinni zing khan No Plastic Rally neih a ni a, AMC councillor B Lalawmpuii'n a hmanpui.

B Lalawmpuii chuan plastic-in khawvel a tichhiat mek avangin khawvelin a buaipui ber pakhat a ni mek tih sawiin, "India pawhin plastic free a kal pui mek a, Aizawlah pawh AMC chuan polythene pan 50 micron hnuai lam hman a khap mek a ni," a ti.

Rally-a telte chuan  Dawrpui Veng chhung kawngpui dunga plastic, sarang leh bawlhhlawhte an  thianfai. Dawrpui Fan Club-ah hian member 101 leh high command-ah mi 15 an awm mek a ni.