CIC atan Lalduhthlana Ralte lakluh a ni

Mizoram State Chief Infor-mation Commissioner (CIC) atan Lalduhthlana Ralte, Indian Foreign Service (Rtd.) chu nimin khan Governor Lt Gen Nirbhay Sharma-in Raj Bhavan tualah rinawmna thu tiamtirin a la lut.

CIC thar Lalduhthlana Ralte hi October 17, 1956-ah a piang a, kum 1983-ah IFS-ah tlingin, kum 33 ram palai hna a thawh hnuah ambassador grade I-ah a kai a, October 31, 2016-ah a pension a ni.

IFS a nih chhungin Lalduhthlana hian ram hrang hrangah leh Ministry of External Affairs hnuaiahte nihna pawimawh tak tak a chelh tawh. Kum 2007 aṭanga October 2010 thleng khan Hongkong-ah Consul General of India-in a awm a; chumi hnuah November 2013 thleng Brunei-ah Indian High Commissioner-in a awm leh a, a hna chelh tawp ber chu Manila-ah Ministry of External Affairs aiawhin dah a ni.