AIFF hruaitu thar zingah Mizo

All India Football Federation (AIFF) chuan nimin khan New Delhi-ah inkhawmpui an hmang a, AIFF hruaitu tur an thlan chhuah zingah MFA honorary secretary Lal-nghinglova Hmar a tel.

AIFF-ah hian presi-dent, vice president pathum, treasure leh mem-ber 10 an thlang chhuak ṭhin a; Lalnghing-lova Hmar hi AIFF president ni lai Praful Patel-a'n member tura a line-up ah a telh a, thlan tlin zingah a tel zui a ni.

Praful Patel-a line-up hi chuhtu an awm lo a, mahse, Delhi High Court-ah zualko an awm avangin result hi Court hian a hrensak tawh a, Court-in a hrènna a phelh leh tâk avangin AIFF hruaitu tharte hi nimin khan official-a puan a ni.

AIFF hruaitu tharah hian India hmarchhak aṭangin Lalnghinglova Hmar bakah, Meghalaya leh Assam aṭangin pakhat ve ve an tling.