Pâ ei vanga chhungkuain an thihsan Miriami ṭanpuina hlan

April 2016-a pâ (mushroom) ṭha lo ei vang-a Mamit Bazar Venga Saikhuma Sailo te chhung-kuaa dam chhuak awmchhun, Miriam Lalremruati (3) ṭanpuina atana Mamit Officers Club-in bank account an siamsaka sum thawhkhawmte chu nimin khan an hlân.

Court chuan Miriam Lalremruati enkawltu (guardian) atan a ní, Lal-rinzuali, Mamit Mamit Bazar Veng an ruat a; Lal-rinzuali kutah hian Mamit Officers Club chuan nimin khan sum thawhkhawm-te chu Mamit Sub-Hqrs YMA committee room-ah an hlan a ni. Miriami puala bank account an siamsakah hian mimal leh pawl hrang hrang
aṭangin Rs. 10,05,806 a lut. Chuta ṭang chuan SBI-ah fixed deposit-in Rs. 8,00,000 dah niin, Miriami kum 18 a tlin hunah khawih chêt theih a ni ang a; Rs. 2,05806 chu tuna inenkawlna atan saving account-ah dah a ni thung.

Mamit Officers Club chuan bank account-a lut bakah, Miriami tan Krismas mamawh lei nan Rs. 12,000 an pe bawk.