Pedestrian flyover bridge thar hawng

Aizawl Municipal Corporation (AMC) sum hmanga Canteen Kuala kea kalna lei, pedes-trian flyover bridge siam thar chu nimin zing khan AMC mayor PC Lalhmingthanga'n a hawng.

Lei hawn puala IPR Auditorium-a inkhawm buatsaihah AMC Mayor chuan, "Lei hawn tâk hian mipuite duh ang pe thei Mizo zingah an awm tih a tilang chiang hle. A langa mawi mai ni lo, a ṭha tur leh tlo turin an siamin ka hria. AMC hian ṭhangthar lo awm zel turte chhawr theih tur a buatsaih zel dawn," a ti.

PC Lalhmingthanga chuan, rorel tura mipuite thlan chhuah nih chuan kum 50 lo la awm tur thlenga ngaihtuah a ngaih thu sawiin, "Thui tak ngaih-tuah peih lo tan chuan ram hruai tum chi a ni lo," a ti a; rei lo tê atana ṭha tur chiah ngaihtuah ṭhin chu kalsan a hun tawh thu a sawi.

Pedestrian flyover bridge hi NECS-in an dawh a ni a, a dawhna atan cheng nuai 85 chuang sen a ni. NECS hotute sawi danin, lei hi mihring pung zel tur pawh dâwl zo tur leh lirnghing lakah pawh a him tura siam a ni.