World Hearing Day hman a ni

Nimin kha World Hearing Day a ni a, Hospital & Medical Education auditorium-ah hman niin, Persons with Disabilities (PwD) commissioner Vanlaldiki'n a hmanpui. April 2025 aṭanga January 2026 chhungin Mizoramah beng natna nei leh ri hriatna ṭha lo mi 4,750 hmuh chhuah a nih thu thu tarlan a ni.

World Hearing Day hi khawvel pumah kum 2007 aṭangin kum tin hman a ni ṭhin a; Day-in a tum ber chu - bengngawngte harsatna hriatthiampui tur leh bengngawnna titlem tura mipui hnena zau zawka zirtirna thehdarh a ni a, kumin thupui chu 'From communities to classrooms: hearing care for all children’ tih a ni.

National Health Mission, Mizoram hnuaiah August 2014 aṭangin National Programme for Prevention and Control of Deafness (NPPCD) kalpui a ni a; NPPCD hnuaiah benga harsatna neite hmu chhuak turin hmalak a ni ṭhin.

April 2025 - January 2026 chhung khan Mizoramah beng sawiselna nei mi 31,735 endikna aṭangin beng natna nei leh ri hriatna ṭha lo mi 4,750 hmuh chhuah a ni a; beng ṭha lo vangin mi 222 zai niin, bengdár dawng tur leh speech therapy ṭul angte ti turin mi 1,541 thawn chhuah (refer) a ni.

NPPCD leh ALIMCO ṭang dunin Zoram Medical College & Hospital-ah April 2025 - January 2026 chhungin bengdar 108 an sem bawk.