Vice President rawn zin dawn

Vice president CP Radhakrishnan chuan March 6-8, 2026 chhung hian Mizoram a rawn tlawh dawn a; March 7, Inrinni hian Mizoram University convocation vawi 20-na a hmanpui ang.

Vice President rawn zin dawn avang hian Mizorama a chàm chhungin Lengpui Airport leh a chhehvelah thil duhawm lo thleng thei laka invenna atan Mamit District Magistrate chuan thupek a chhuah a; March 6-8 chhungin Rawpuichhip, Ṭuahzawl, Hmunpui, West Serzawl, Dâpchhuah, Dilzawl, Nghalchàwm leh Lengte khua leh ram huam chhungah lo, huan leh leipui hâl phal a nih loh thu a puang.