Day Care Cancer Centre din tum

Health & Family Welfare minister Lalrinpuii chuan nimin khan Assembly session-ah MNF member Lalchhandama Ralte zawhna chhangin, tun sorkar kum (2025-26) chhungin Day Care Cancer Centre (DCCC) din tum a nih thu House a hrilh.

Health Minister sawi danin, DCCC hi Aizawl leh Lungleia Civil Hospital bakah, Champhai District Hospital-ah din tum a ni a; sorkar laipuiin Mizoram sorkar hnenah proposal thehlut tura thurawn a pek angin, May 9, 2025 khan DCCC atan proposal thehluh a ni.