Aizawlah Zoram Ni hman a ni

MZP General Headquarters chuan nimin khan an pisa conference hall-ah Zoram Ni an hmang a, 'I ram leh hnam humhalh la, khawvelin a dem lo ang che' tih thupui sawihona an buatsaih.

MZP hian kum 1966-a India sorkarin bomb hmanga Mizoram a beih hriat rengna atan a beih ṭan ni, March 5 chu Zoram Ni tiin an hmang ṭhin a, kumina an hman vawi 19-na a ni. MZP president Dr C Lalremruata chuan, "Vawiin hian India huat thar lehna emaw, hel tum lehna rilru pu a hmang kan ni lo. MZP leh Mizo mipuite'n kan beisei chu India hian a tihsual hi pawm se, Mizo mipui lakah ngaihdam dil se kan ti a ni," a ti.

MZP President chuan, Zoram Ni chu ram tana nunna hlantute leh hliamte chawimawina leh zahna hlan nawn lehna, hnam inpumkhatna ni atan an hman ṭhin thu a sawi a; Mizoram Legislative Assembly-in tun hnaiah 'The Mizo Marriage and Inheritance of Property (Amendment) Act, 2026' a pawm chu MZP-in ṭha an ti a, an thlâwp thu a sawi bawk.

Zoram Ni thupui hi historian Prof. JV Hluna leh F Vanlalrochana ten an sawi a, zawhna leh chhanna hun hman a ni.