BJP-in Zoram Ni an ṭâwmpui

BJP, Mizoram Pradesh chuan thuchhuah siamin, MZP-in nimina Zoram Ni an hmang chu lawmawm an tih thu an tarlang a, "Mizoram history-a hun hrehawm leh thim lai ber kan tawh hriatrengna atana Zoram Ni an phuah hi kan ṭâwmpui," an ti.

BJP chuan, March 5, 1966-ah Congress sorkar Indira Gandhi kaihhruaiin jet fighter hmangin nasa takin Mizoram a bei tih sawiin, "Mizoram hmun hrang hrangah bomb-te thlak a, pawisawi lo mi tam tak tawrhnate kha kan theihnghilh ngai dawn lo," an ti. Congress party chu jet fighter leh bomb hmanga a ram chhung mite bei duhtu nia sawiin, "Mizoram mipuite hmelma an ni," an ti bawk.