PM SHRI School-te enfiah

Sorkar laipuiin state leh union territory-a Prime Minister School for Rising India (PM SHRI) School-te tlawh chhuak tura a tih angin nimin khan Serchhip district-a PM SHRI School pathum chu central nodal officer Lalchhandama, Ministry of Rural Development joint secretary chuan a tlawh.

Lalchhandama hian PM SHRI school - Buangpui Primary School, Khawlailung P/S-II leh Thenzawla Jawahar Navodaya Vidyalaya te a tlawh a; PM SHRI School atana hmalaknate a enfiah bakah, zirtirtute a kâwm. Mizoram sorkara School Education joint secretary Malsawmtluanga, Samagra Shiksha deputy state project director Andrew Lalrintluanga leh Serchhipa sorkar hotute'n an ṭawiawm a ni.