Khaw 45-ah kawlphetha a la lut lo

Mizoramah kawlphe­tha luh lohna khaw 45 leh Power & Electricity department hnuaia division 11-ah transformer chhia la siamṭhat loh 71 a awm mek.

Assembly session neih mekah nimin khan Power & Electricity minister F Rodingliana chuan West Tuipui bialtu MLA Prova Chakma zawhna ziaka chhangin, Mizoramah electric êng nei lo khua (un-electrified village) 45 a awm mek thu a tarlang a, "Heng khuate hi electric êng pe tura hmalak mek a ni a, hnathawk tur contractor-te pawh thlan vek an ni tawh," a ti.

PE Minister tarlan danin, khaw 45-ah hian electric a luh theih nan hna thawk turin contractor pathum thlan a ni a; khaw 29-a hna thawk turin Industrial Systems LLP, Guwahati, khaw pasariha hna thawk turin Shree Vardhaman Industries, Telangana leh khaw pakuaa hna thawk turin Kim Ki Electricals, ITI Veng te thlan a ni.

Electric la luh lohna khuaa kawlphetha pekna atan sum hmuh a nih tawh thu tarlangin F Rodingliana chuan, bungrua supply turte GTP/Drawing pawm a ni tawh a, bungraw ṭhenkhat supply a nih tawh thu a tarlang.

Power & Electricity Minister chuan, Power & Electricity depart­ment-a division 11-ah transformer chhia report 71 a awm mek thu tarlangin, "Transformer chhiate hi an bul hnaia transformer aṭanga châwmtir an ni a, kawl­phe­tha an hmu reng tho," a ti a; transformer chhiate siam hun chhung a rei tlangpui chhan chu thawktu indaih lohna leh phaia khawl phurhnaa harsat­na awm ṭhinte vang a nih thu a tarlang bawk.

ELECTRIC LUH LOHNA KHUA

1 New Khamrang

2 Devansora

3 Ugudasuri

4 New Location (Silsury E)

5 Futsury

6 Lokhisury

7 Ludhisora

8 Gerasury

9 Jaruldubasora

10 Boraituli

11 Lambasora

12 Kamtuli

13 Sedailui

14 Bormon

15 Tongasora

16 Dulsury

17 Putlungasih

18 Kukurduleya

19 Peglababsora

20 Hmunthar

21 Chotobokhali

22 Palenasora

23 Mualbu Lui

24 Bualsury

25 Tlabung Dinthar

26 Rengachya

27 Borthuli

28 Borlui

29 New Laisawral

30 Tlangkhang

31 Zopui

32 Salmur

33 Silsuri

34 Bekabekia

35 Mauzam

36 Phainuam

37 Geraguluksora

38 Gulsingbabsora

39 Jarulsury

40 Ukdasury 'S'

41 Ukdasury 'N'

42 Nagdasora

43 Saisen

44 Songrasury

45 Sakeilui