Vice President a rawn zin

Mizoram University (MZU) Convocation vawi 20-na hmanpui turin nimin khan vice president CP Radha-krishnan chuan Mizoram a rawn thleng.

CP Radhakrishnan hian tun hi Mizoram a rawn tlawh hmasak berna niin, Lengpui Airport-ah Governor Gen. Vijay Kumar Singh hoin minister Dr Vanlalthlana leh official dangte'n an lo hmuak a; Lok Bhavan-ah chief minister Lalduhoma, Home minister K Sapdanga, AH& Vety minister C Lalsawivunga leh official dangte'n an lo dawngsawng a ni.

Mizoram sorkar chuan nizan khan Lok Bhavan-ah Vice President pual hian cultural programme leh zanriah a buatsaih a; vawiin hian MZU Convocation vawi 20-na khuallian niin a hmanpui ang a; hemi hnu hian Tripura University Convocation vawi 14-na hmanpui turin Mizoram a chhuahsan ang.