Hnam dan pawmah ZPM Zonu lawm

ZPM Zonu chuan thuchhuah siamin, Mizo hnam humhalh kawnga chief minister Lalduhoma hmalakna lawmawm an tih thu an tarlang a, Legislative Assembly-ah February 24, 2026 khan CM Pu Lalduhoma put luh, The Mizo Marriage and Inheritance of Property (Ammendment) Bill, 2026 lungrual taka pass a ni hi lawmawm kan ti a, hmeichhiate ngaihsaktu sorkar kan nei hi kan chhuang tak zet," an ti.

Zonu chuan, "Kan ram leh hnam humhalh kawnga tlawmngai pawl leh mi ṭhahnemngaite hmalak tawhna thuam chak lehzual tura Mizoram sorkar a pên chhuak ta hi thil chhinchhiah tlak tak niin kan hria. The Mizo Marriage and Inheritance of Property (Ammendment) Bill, 2026 hi a taka hman a nih theih nana official gazette chhuah thuai theih nan chak taka hma la turin Mizoram sorkar kan ngen," an ti a; Mizo Customary Law thuam chak tura sorkar hmalakna chu thlawp turin Mizoram mipui an ngen a ni.