Private damdawi-inte nen indawr mek

Mizoram Universal Healthcare Scheme (MUHCS) zawm duha sorkar dawrtu private damdawi-in 13 leh sorkar chuan damlo enkawlna leh a kaihhnawih man (rate) chungchangah inremna an la nei thei rih lo a, sorkar chuan private damdawi-inte an la nghak mek.

Mizoram State Healthcare Society (MSHCS) hotute hnen aṭanga thudawn danin, nikum kumtawp lama MUHCS zawm duhtu Mizoram chhunga private damdawi-in 13-te nen indawrna an neihnaah private damdawi-inte hian an rate neihsa aṭanga 10%-a hniamin MUHCS an kalpui theih thu an thehlut a ni. Hei hi sorkarin rate a siam dan (package system) nen siamrem theih a nih loh avangin sorkar lam chuan siamṭha leh turin an ngen a; private damdawi-inte hian rate proposal an la thehlut leh lo a ni.