Myanmar aṭangin sawhthing phurh khap

Lawngtlai district magistrate Donny Lalruatsanga chuan thuchhuah siamin, dan loa Myanmar aṭanga sawhthing tawlh rûk khap a nih thu leh thupek zawm lote chu Bharatiya Nyaya Sanhita, 2023 (BNS) Section 223 hmanga hrem an nih dawn thu a tarlang.

Donny Lalruatsanga chuan, tunlai hian Lawngtlai district chhungah Myanmar aṭangin dan loa sawhthing tawlh ruk a awm nia hriat a nih thu leh he thil hi dan phal loh a nih thu a tarlang a, "Kan ṭhenawm ram, Myanmar aṭanga sawhthing lakluh khap tlat a ni. Lawngtlai district chhungah sawhthing tawlh ruk dan loa phurtute hnen aṭangin danin phut ang ni loa pawisa lak khap tlat a ni," a ti.

Lawngtlai district chhungah dan loa sawhthing hralh leh zawrh khap tlat a nih thu sawiin District Magis-trate chuan, "Lawngtlai district chhungah sawhthing tawlh ruk dah khawlna tur kudam sak khawp tlat a ni," a ti a; thupek hian Lawngtlai district pum a huam thu a tarlang bawk