MP Richard leh MP dangte Japan-ah zin

Lok Sabha MP Richard Vanlalhma-ngaiha leh MP ṭhenkhatte'n March 5, Ningani khan Japan Foreign Affairs state minister Kunimitsu Ayano an kâwm a; India leh Japan ten inkawm ngeihna thûk zawk leh thiamna inṭâwm kawngah thawhhona tur leh, ei leh bar, insumdawn tawnna, technology leh mipuite tana ram pahnih inṭhian ṭhatna tur an sawiho.

Japan rama zinte hi Richard Vanlalhmangaiha bakah MP dang pahnih Manish Tiwari leh Tejasvi Surya te an ni a; 'Enhancing Japan-India Strategic Network' tih hmangin ram pahnih thawhho dan tur an buaipui a, vawiin thleng hian an chám dawn a ni.

MP-te hi Indian Embassy-ah Diet of Japan member - Taro Kono, Foreign minister hlui Yoshiaki Wada, Iwatani, Teruo Minobe leh Rui Matsukawa, Dr Tomohiko Taniguchi te nen zanriah an kilho a; ram pahnih thawhhona tur an sawiho. March 5-a Foreign Affairs state minister Dr Kunimitsu Ayano nen an inkawmnaah kum 10 lo kal leh tura India leh Japan kawng hrang hranga an thawh dun dan tur an ruahman a ni.