Pawl pangain thisen an pe

March 7, Inrinni khan KṬP, Bethlehem Branch chuan Civil Hospital, Aizawl tan thisen unit 41 an pe a, petute mipa 35 leh hmeichhia paruk an ni a; Civil Hospital Blood Bank-ah Adventist Youth Federation-in unit 8 leh LIKBK Ṭhalai Pawl member-te'n unit 4 an pek bakah, mahnia a thlawna pe (individual donor) mi 22 an awm bawk.

Inrinni vêk khan KṬP, Laipuitlang Branch-in Synod Hospital tan thisen unit 23 an pe a, petute mipa 13 leh hmeichhia 10 an ni a; Adventist Youth Federation Lunglei North Circle-in Lunglei Civil Hospital tan unit 23 an pe a, petute mipa 13 leh hmeichhia 10 an ni.