Air rifle eng emaw zat an man

Assam Rifles leh Mizoram Police ṭang dun chuan tun hnai khan Siaha district-a Noaotlah (Niawhtlang)-ah air rifle eng emaw zat an man.

AR leh police-te hian an thu dawn dawn bawhzuiin, Khar Lian (36) s/o Zaiuk, Matupi, Myanmar nia inchhalin a khalh TATA Yodha MZ-06 A-0926 chu Niawhtlangah hian lo tidingin, an endik a ni. Lirthei aṭang hian NX200 4.5mm air rifle 18, PX100 4.5mm air rifle pakhat, air rifle mu 75,000, telescope pakhat, nitor piston pakhat, air rifle-a hman tur spring pakhat leh mobile phone pakhat hmu an man.

Khar Lian leh lirtheia a phurhte man a ni a, police bawhzui turin Siaha Police Station-ah thubuai ziah luh a ni.