Facebook-a thu post vangin FIR thehlut

Chief minister Lalduhoma, minister Vanlalhlana, minister of state pahnih B Lalchhanzova leh Lalnghinglova Hmar leh, MLA Baryl Vanneihsangi te chungchanga Facebook group hrang hranga thu post vangin ZPM secretary general PB Lalsawmliana chuan nimin khan Cyber Crime Police Station-ah FIR a thehlut.

PB Lalsawmliana chuan a FIR-ah hian, CM Lalduhoma, Vanlalhlana, B Lalchhanzova, Lalnghinglova Hmar leh Baryl Vanneihsangi chungchang dik lo takin Facebook group hrang hrangah March 8, 2026 chawhnu lam khan Zorama Hmar intiin thu a post thu a tarlang a, "Hetianga mahni nihna thup chunga dik lo taka kan ram hruaitute tihhmingchhiat theihna tura post a siam hi man chhuak a, dan anga hremna pek a nih ngei theihna tura chhui chhuak turin kan ngen a che," a ti.

Facebook-a thu post chu - 'Lalduhoma hi nula leh zu duh tak a ni' tih te, 'Tetea Hmar hi chiahpuam vanga hausa an ni' tih te, 'Baryl-i hi Shillong-a lehkha kan zir lai chuan mi hausa ho sûk bûk kan ti ṭhin' tih te, 'B Chhanzova hi NGO lem hmanga hausa a ni' tihte, ' Vanlalhlana hi an awmpui pawngsualtu a ni' tihte a ni.