PIB-in Lungleiah VARTALAP buatsaih

Press Information Bureau (PIB) chuan nimin khan Lunglei Press Club-ah 'Vikshit Bharat Guarantee for Rozgar and Ajeevika Mission (Gramin) Act 2025 leh National AIDS & STD Control Programme chungchang zirhona, media workshop VARTALAP an buatsaih a, Lunglei bawrhsap Navneet Maan-i'n a hmanpui.

Zirhona hi PIB, Aizawl head of office Rajeev Lourembam-a'n a kaihruai a; technical session-ah G-RAM-G Act, 2025 chungchang Lunglei DRDO work manager Ramnunsanga'n a sawi a, Dr Zodinpuii Hrahsel-in National AIDS & STD Control Programme a sawifiah.

Lunglei Bawrhsap chuan, HIV/AIDS chu Mizoram leh Lunglei tan a ngaihven a ṭul thu sawiin, "Hriat chian a ngai a, tun hi inzirtir hun tak a ni. Media hmanga thil titute'n zirhona hi ṭangkai tak a kan hman a pawimawh," a ti.

Dr Zodingpuii Hrahsel chuan, Lunglei district-ah kum kal ta chhungin commercial sex worker mi 131 an ziak lut a, chu'ng zinga mi pakhat chiah HIV vei a awm thu a sawi.