Ainawn Venga quarters sak ṭhat tum

Nimina Assembly session-ah General Administration (GAD) enkawltu chief minister Lalduhoma chuan, Ainawn Venga sorkar quarters-te chu sak ṭhat tum a nih thu a sawi.

INC member C Ngunlianchunga zawhna chhangin Chief Minister chuan, Ainawn Venga sorkar quarters-te sak ṭhat turin ṭhiah mek a nih thu a sawi a, "Ṭhiah fel hunah sak ṭhat tum a ni. Tunah hian quarters hi unit 105 luah mek an awm," a ti.

Lalduhoma chuan, Ainawn Vengah sorkar quarters thar ṭha zawka sak tum a nih thu leh, quarters luahtute chu sorkar quarters an dilin ngaih pawimawh hmasak ṭhin an nih thu House a hrilh bawk.