Minister leh lirnghing zirtute inkâwm

Disaster Management & Rehabilitation minister Prof. Lalnilawma chuan nimin khan Chief Secretary conference hall-ah Mizorama khuarel chhiatna - leimin leh lirnghing chungchang zir chiang tura rawn zin Amrita Vishwa Vidyapeetam University (Amrita University) hotute a kâwm.

Prof. Lalnilawma chuan, Amrita University hotute zirchianna chuan Mizoram sorkar leh mipui tan hlawkna a thlen a beisei thu sawiin, "Mizoram hi khuarel chhiatna chi hrang hrang - leimin, lirnghing leh a dangte thlen duh bikna leilunga awm a nih avangin hemi kaihhnawih inzirtirna leh data rintlak tak neih hi tihmâkmawh a ni," a ti a; Amrita University mithiamte chu thawhpui ṭha tak an nih a beisei thu a sawi.

Amrita University hotute hian March 16, 2026 thleng Mizorama khuarel chhiatna, a bikin lirnghing leh leimin te an zir chiang dawn a; inven dan leh chhiatna leh a nghawng tihziaawm nana hmalak dan turte zirin, Aizawla lung/lei tawlh duhna hmun (rockfall zones)-te bakah, Saitual, Khawzawl, Lawngtlai leh Mamit district-a chhiatna thlen ṭhinna hmunte an tlawh dawn a ni.