Sikul 100 dinhmun sangah dah

Nimina Assembly session-ah School Education minister Dr Vanlalthlana chuan MNF member Lalrinsanga Ralte zawhna chhangin, sikul 100 dinhmun sang zawkah dah an nih tawh thu a sawi.

Education Minister chuan, sorkarin sikul dinhmun sanga a dahte chu a nihna ang taka kaltir tura hmalak mek a nih thu sawiin, "Sorkar hmasain sikul hrang hrang upgrade tura a lo tih tawhte zingah upgrade tawh zat chu lumpsum GIA-ah higher secondary school 22, high school 44 leh elementary 34 a ni," a ti.

Sorkar hmasain sikul dinhmun sang zawka dah tura a tihte chu sikul 180 a nih thu sawiin Dr Vanlalthlana chuan, "Lumpsum pro adhoc bik atan tun session-ah rules pharh hman tum a ni. Provincialised-ah file tâng deuh a awm a, kan nawr mek," a ti a, sikulte chu kum 2023 criteria hmanga teh an nih thu a sawi.