Free Legal Public Hearing buatsaih

International Women’s Day pualin tunlai hian district hrang hrangah hmeichhia harsatna tâwkte tan zualkona leh an chungchang rêlna Free Legal Public Hearing (Maha Jan Sunwai) buatsaih a ni.

Maha Jan Sunwai hi National Commission for Women leh Mizoram State Commission for Women bultumin, State Commission for Women bakah, district tina DC, SP, District Legal Services Authority leh Women and Child Development hotute'n an buatsaih a; March 13, 2026 thleng a awh ang.

Free Legal Public Hearing-ah hian hmeichhe dikna chanvo rahbehna - inchhung khura hleilenna tâwk te, nupa kar harsatna vanga hmeichhe chunga tawrhna thleng te, hnathawhna hmuna thawhpui mipate aṭanga harsatna tâwk te, chhaih nawmnah tâwkte leh eng kawng pawha hmeichhia nihna vanga hleilenna leh nêkchêpna tawk tan harsatna thlen theih a ni.

Hearing-a complaint thehlut duhte tan mahni awmna district-a DC leh SP bakah, Women & Child Development hnuaia District Programme Officer leh Child Development Project Officer te hnenah ziakin thehluh tur a ni.