Chapchar Kût Art & Photo Exhibition ṭan

Information & Public Relations Directorate, Mizoram Art Development Society (MADS) leh Mizo Photographers’ Society (MPS) te chuan nimin khan Vanapa Hall-ah Chapchar Kût 2026 Art & Photo Exhibition an buatsaih ṭan a, IPRPS secretary Betsy Zothan-pari Sailo-in a hawng.

Art & Photo Exhibition hi March 13, 2026 thleng neih a ni dawn a; MADS aṭangin lemziak leh thil siam 107 pho chhuah niin, pencil/charcoal hmanga ziah panga, mixed media pathum, sculpture pathum, water­colour hmanga ziah 13, acrylic hmanga ziah 80 leh oil painting pathum a ni. MPS lamin mi 39-te thlalak thehluh aṭanga an thlan thlalak 126 an pho chhuak bawk.

Betsy Zothanpari Sailo chuan, lemziak mite leh thla latute hmalakna leh thawhrimna chu chhuanawm a tih thu sawiin, hlawhtlinna sang zawk an chan zel a beisei thu a sawi.

Hawnna inkhawmah hian IPR director K Van­lal­­sangi, Art & Culture director Carol VLMS Dawngkimi leh department hotu dangte an tel a ni.