CM Special Package dawng turte hrilhfiah

Mizoram sorkar flagship programme, Bána Kaih hnuaia Chief Minister's Special Package Phase-II dawng tura thlan, progress partner-te pualin nimin khan Aizawl, Siaha leh Saitualah thil pawimawh inhrilhfiahna buatsaih a ni a; progress partner-te hnenah signboard leh certificate sem a ni.

Aizawl DC Pisapui Hall-a hun hman chu MLA Baryl Vanneihsangi'n a hmanpui. Aizawl district-ah hian CM’s Special Package Phase-II dawng turin Commerce & Industries department aṭangin mi 58, AH&Vety aṭangin mi 58, Horticulture aṭangin mi pariat leh Fisheries department aṭangin mi pakhat thlan an ni a; ṭanpuina sum chu direct benefit transfer hmangin progress partner-te bank account-ah ṭum khatah pek tlak nghal a ni dawn.

Siahaah chuan DRDO conference hall-ah additional DC Abraham Beirazi Khithie hoin inhrilhfiahna hun hman a ni a; AH&Vety department hnuaia progress partner tura thlan mi 12-te chu financial literacy, leadership training & work ethics tih thupuia hmangin Siaha veterinary officer Dr H Lalruatfela'n thil pawimawhte a hrilhfiah.

Saitual SDC Christina Lalnunfeli kaihhruaiin DC conference hall-ah CM Special Package Phase-II progress partner atana Horticulture leh AH&Vety department hnuaia thlan mi pahnihte pualin briefing programme neih a ni a; SDO (Sadar) Tharun Patnaik Madala-in hmanpuiin, mithiamte'n thil pawi-mawhte an zirtir a ni.